مين فضلي ومين باقيلي سيبتيني وروحتي لغيري
وغيري مش هيحبك زيي واظن كتير خيري
سبتي ذكريات تشبهلك حلمك مكونش جمبك
وكل احلامك اهي اتحققت شوفي غيري يحبك
ومش هرجعلك الذنب كله ذنبك
ومهما عملتي ليا صعب اني في يوم اسامحك
نسيتك عادي زي منتي نستيني حياتي
عمرو دياب لما ساب قال نسيانك عادي
وعادي اهي خلصت روحتي لغيري وجاي اباركلك
مهرك كان تراب والف كسر جوا منك
وعادي وفي معادي كله بان قصادي
زي مخونتي مسيرك هتتخاني وبالتراضي
كرامتي ابقى منك ده اللي اتعلمته منك
و كنتي هتبعيها عادي زي ما بيعتي نفسك
قلبك مركب ملوش مرسى علي كل شط بيرسى
جه لشطي وقالي تصدق عمري ما هنسى
كنتي جمبي فعلا وانتي سايقه و بتخونيني
حضنك شوك او دبابيس وقربك كان يأذيني
نزلتي بالشواكيش في قلبي وقولتي مكنش ذنبي
منت اتعلقت بحبال دايبه مهو مكنتش زيي
ومين زيي كنت بحبك كنتي فيا تهدي
عمرتي السلاح وفي قلبي كمان نشتني
ومين حبيبتي حبي ليكي كان اكبر خيبتي
ومسير الدنيا هتيجي عليكي زي ما فيا دبحتي
والدنيا رجعت تاني بينا وقولتي فين ليالينا
منتي خسرتي قلبي وقلبك كان سفينه
لغينا قلوبنا لا عادت تجبنا ولا تودينا
كانت صدفه جميله اني اعرفك شيليها جميله
ومين حضني وقت تعبي مين كان جمبي
كله ورا المصلحه كان يشيل ويعبي
معتش بحزن ولا عمري مره تاني هزعل
كان مؤسف جدا احزاني في كفه بتتقل
مش هقبل اكون في يوم لحد خاني لحظه
لحظه حبك مات جوا مني اظن ملاحظه
كلامهم صح لما قولوا مش هتنفعلي
دخلالي وتتأسفي قوليلي مين رجعني
عملت الخير رديتي خيانه رجعالي ليه ندمانه
كنت بحبك ومشاعري معاكي كانت متهانه
والاشيك اني مش حبيبك كنت سد خانه
اتدوايت من حبك لقيت علاج في الاكزخانه
