قوّي گلبك گالّي
وانتهى البيناتنه
صار ضدي الچان روحي
فرحوا يا شماتنه
شگد گلتله لو عفتني
نخسر ثنيناتنة
هنا حچينا هنا بچينا
هنا أثر دمعاتنة
عالفرگة بيش ادعيلك
غير ادري شمسويلك
منّك اذيتي لكن
ارتاح من اشكيلك
وين الوعد والكلمة
وينه الكتبني بدمه
بس يلا مبري الذمة
يعني شريد احچيلك
ممنون ضيعتني
مرتاح فارگتني
يل بيك علقتني
مخنوگ من عفتني
وياك حيرتني
وبالقفلة فشلتني
قوّي گلبك گالّي
ليش أحب العافني
وليش أعيش بنارك
تدري چان بغير دنيا
گلبي من اختارك
تستحي من روحك انت
لو حچيت أسرارك
من عرفتك وانت نفسك
مو جديدة اعذارك
كلمن يحير بروحه
كلمن يداوي جروحه
وآسف لأن گلتلك
وياك أظل للوحة
عيش التريده بكيفك
ما راح أجيك بطيفك
يل مني ماخذ حيفك
والروحه هي روحه
ممنون ضيعتني
مرتاح فارگتني
يل بيك علقتني
مخنوگ من عفتني
وياك حيرتني
وبالقفلة فشلتني
قوّي گلبك گالّي
