بعد ايه جايه تقوليلي قلبك فاق
الفراق بيهد اي اتفاق
دي ذكرياتك مش ذكرياتي
انا نسيت
و دي مشكلتك ما تقوليليش حليهالي
مش هحن
ما تراهنيش على اللي كان زمان
من يوم غياب يجن
انا قويت و الفضل يرجعلك
قولتيلي كل حاجة بتعدي
كانت صعبة
لكنها عدت
و الاحلى انك عديتي معاها
يعني ذكرياتك تهمك لوحدك ماتهمنيش
كنا معرفة قديمة من الاساس
ده يعني لو جت سيرتك وسط الناس
و في الاغلب بقول ماعرفهاش
وفي الحقيقة انا في دي مش بكدب
لاني بعد عشرة كام سنة طلعت ما اعرفكيش
قد ايه ده احساس سخيف
لما تكون باني حياتك على حد
وانت في الاصل في حياته ضيف
او شئ مالوش تعريف
ده اللي عندي ليكي
سبحان اللي نساني
سبحان اللي قساني
سبحان اللي وراني حقيقتك
سبحان اللي خلاني اختارتك
علشان اخلص ذنب
فـ عمري ما هقول خسرتك
وقصة سيبتك او سيبتيني ما تشغلنيش
فـ تقولي اللي تقوليه
اي كلام صبري نفسك بيه
افضلي شاغلة نفسك بيا
قولي سيبتك
وانا من الاساس بنكر معرفتك
يعني مالكيش معايا ذكريات
والوقت اللي فات
كسبت ان علمتك فيه
معني الحياه ايه
بس ياريتك تفهمي
