180 يوم
4320 ساعة
ست شهور بالتمام و الكمال
ست شهور
والارض ثابتة مش بتدور
وانا كـ العليل
او زي اللي قلبه مبتور
زي اللي ماكنش قبله حد في وجعه
بقى وجعه هو المنهج و المقرر
غريبة عـ اللي كان فاكر حزنه متكرر
....
ست شهور ممكن اقولهم بالثواني
فيهم انا كنت بعاني
حكاية حكاية انا ممكن احكيها
فاكر حاجات لو الزمان نسيها
عمري ما ابقى ناسيها
انا كنت بعلم الايام بيها
كنت فاكرها دايمة مش بتروح
كانت احساس امان ما اتخيلتش انه يروح
فراقها ده ماكنش فراق
ده كان طلوع روح
........
ست شهور بالتمام و الكمال
يا ست الحسن و الجمال
يا صاحبة الدلال القتال
ست شهور
الدنيا ما بتميش
كدابين اللي بيقولولك ده بيعيش
مانتي عارفة
المجاذيب و الدراويش
انا لسه مستني تعودي
انا لسه مستني اوفي بوعودي
لسه مستني من حبك عليا تجودي
او حتى من حبي اللي حبتهولك زمان
ست شهور احساس غربة و توهة
مستني اشوفك لاجل احس بالامان
