بالورقة و القلم و الحسابات
كان اللي جي زي اللي فات
لغاية لما لقيتك
لغاية لما ظهرتي
غيرتي المعادلة
قلب اللي كان حياته مقلوبة لقيتله عدلة
اشهدلك ان اللي عملتيه
حاجة مش سهلة
ثبتيني خطفتيني بهرتيني
لا وبعد ده كله انتي اللي قولتي بتحبيني
يا فرحة سنيني
يا فرحة سنيني و شيفاكي عيني
كان ممكن اقول ده حلم
بس عقرب الساعة بيلف
و الوقت بيجري هوا معاكي
اتجننت بيكي بعترف
مش عايز حد الاكي
انا اللي قلبي كان راهب
بقيته حبيبته و الصاحب
سرك ايه ده شئ غريب
مش بس جميلة الصورة
لا الروح مترتبة ترتيب
اه لو لو كنت بعرف الغيب
كنت جريت بالعمر لغاية ميعادنا
كانت البداية تبقى انتي
ماهو البداية اصلا انتي
سكنتي الروح بقيتي الونس و الوليف
الوحيدة اللي في حضنها انا صاحب مكان مش ضيف
احساس اني افرح كان احساس عني بعيد
سبحان اللي خلق في طلتك احساس العيد
بين اكتر من 7 مليار انتي مالكيش زي
عيشتلها اللي فات و ليها هعيش اللي جي
لاول مرة بشوف الحب بحقيقته الكامله
لاول مره بشوف الدنيا بوشها الاحلى و الاجمل والاحن
تتجوزيني ؟
