لسه في عيال بتطير طيارات
وبتبعت للسما جوابات
لسه في عيال عايشة في زمن فات
زمن يمكن ما توعاش عليه
لكنها الفطرة
هي دي الفكرة
يا ابو قلب ابيض تبت بتب
امسك في قلبك و نيتك الخالصة
اصلها بقت اليومين دول ناقصة
زيك لسه كتير
زيك لسه ياما
لكنهم وخداهم الدوامة
صدقني سكتك هي سكة السلامة
مهما مالت
مهما الحقيقة شوية غابت
مهما سألت روحك كام طريق و كام طريقة
لازمين لاجل وصولك للحقيقة
مرة بحنكة
ومرة بشدة
ومرة بدلع وملاوعة
مرة بسيب وانا اسيب
مرة يضيق الطريق
وتفارق 100 حبيب
وتحلى الوحدة
وترتاح لواحدة
وتقرب فلان
وتحن لزمان
وتعيش مطمن
وتعيش قلقان
مرة شجاع
مرة جبان
لكن الوصول ليه ميعاد معلوم
والحقيقة واضحة ع العموم
