ازيك
عامل ايه في البعاد
بما اننا لسه فيه جداد
بتملى يومك ب ايه
مستني رسالة من مين
وبتعمل ايه في الحنين
عارفة يومك كله مشغول
لكنك كنت بتلاقي وقت تقول
صباح الخير
صحيتي
فطرتي
نزلتي
روحتي
نمتي
تصبحي على خير
وترد
وانتي من اهلي
التفاصيل الكتير
اللي كانت بتخنقك ساعات
فكراها بالتفصيل
يومنا اصله كان مليان حكايات
هو فراقك بجد حقيقي
يعني لو اتفقنا على ميعاد مش هتيجي
ازيك
ياللي مفيش زيك
مميز حتى في فراقك
شاغلني حتى وانت مفارقني
انت احلى واحد فارقني
بتباهى بيك في غيابك
واني عرفت اشغل جنابك
كبريائي في الحتة دي مفرحني
اني كنت في يوم من احبابك
بفرح لنجاحك من بعيد
وازعل لو مفيش جديد
اقولك ع الغريب
انا لسه بغير
لو شوفت واحدة منك بتقرب
وابقى عارفة انك منها هتتهرب
او واحدة عليك بتدلع
و عارفة انك هتتمنع
اظن انك مش عارف ت move on
ايوه انا حواليك لسه بدور
رغم انه فات ست شهور
او يمكن اكتر
انا فيك لسه بفكر
وانت لسه فيا بتفكر
شوقك ليا بيوصل
وشوقك الايام دي بيكتر
باين في صورك وفي كلامك
بدعيلك ربنا يحلي ايامك
عارف
عارف ان الدعوة دي صعبة عليا
ازاي ايامك هتحلى وانت مش ليا
وازاي تبقى حلوة وانا مش معاك
صحيح انت قولت سايب ولا انا اللي سايباك
انت مش ملاك وانا ماكنتش
بس انا عن حبك لسه ماتوبتش
مش لايقة اكون لحد غيرك
انا بعاني مش عارفة شوفت ولا ماشوفتش
بسأل عليك احبابك واعرف اخبارك
بسأل عليك و ياريت تبقى فيا سائل
انا اللي كنت كل ايامك معاك حتى في خيالك
ممكن لو تسمح لو مرة واحدة نتقابل
ازيك
وحشاني
كلامك رجع ايامنا تاني
شريط سيما بيتعاد قدام عيني
من اول رسالة بينا ع الواتس اب
لغاية اخر رسالة اللي قولتي فيها
مابقتش حساك
لو اتسألت عنك بقول
من غير ما اعرف ممكن اقول
من غيري و بعدي بتعمل ايه
وبسرح ساعات لو وسط الناس
علشان عارف في الوقت ده بتكوني تايهة
طب اقولك والله ومش تمثيل
بحس بقبضة قلب اوقات كتير
ارجع اعرف بعدها انك كنتي مش تمام
فاكر زيك الايام اكيد
اللي بينا عمره ما هان
ولا عمري شوفتك بعيد
عاملين لبعض بلوكات
بنتغابى ممكن ساعات
بنضحك في الصور علشان نغيظ بعض
انا متأكد مش اظن اني مش ه move on
Him & i
حبه جنه
ياريت سنك
زي العسل
بنتهرب
كنت مداويني
تعيشي معايا
مش ملاحظ حاجة
هيعيش يفتكرني
قولوله سماح
بقول عادي
اول كل حاجة
عايز اعمل زيك
بس انتي مين زيك
وفاكر اكتر من كده
انا فاكر اول نده لاسمي منك
فاكره لانك احلى واحدة
هتنطق ونطقت اسمي
ياللي لما بتبتسمي الدنيا بتفتح
بجيب صورك وفيها باسرح
وبعمل زووم على مسكة ايدينا
وبلوم عليها
انها ماكنتش حقيقية
من غير تفاصيل وكتر كلام
انا بعلن حنيني التام
وحشتيني
لسه ريحتك فيا
لسه ايدي متدفيا
بسلام ايديكي
صوت نفسك بيونسني
في وحدتي بعدك
مأنسني
لسه اسمك بيتقال
بعد ما يقولوا اسمي
الناس بيكي بتشبهني
لو قولت كلام من كلامك
وانا كلامي كله كلامك
انا مش عايش حياتي
انا عايش في ايامك
ملازماني
صبحي وليلي
بتخيلك لما بدلع تميلي
لما يزيد فيكي الشوق
ولما عليا تغيري
و من غير ميعاد تجيلي
تحكيلي
عن وجعك و تعبك
و اراضيكي
تهون الدنيا ولا اشوف دمعك
وحشتيني
ازيك
كلامك كله على الراس
بس افتكري دايما
ان احنا خلاص
بنحن لبعض
علشان طيبين
علشان على بعض
كنا حنينين
ف طبيعي
يغلبنا الحنين
لكنه صعب لبعض نرجع
في حاجات لما تيجي بعد وقتها
بتوجع
بتوجع لانها في وقتها ماجتش
هتحبي بعدك وهحب
بس زي حبك ما افتكرش
نرجع او ما نرجعش
معرفش
