سارد لا تسأل ليش عم بحكي مع حالي
شافوني الناس وضحكو وسموني مجنون
كلشي سواد وعتمة وعم غنيها ببالي
حاسس حالي فضائي ضايع بهالكون
وديني ع شط البحر وخليني سارد
لا تسألني حتا كيفك وخليني ساكت
أنا مخرج هالمسلسل بس عامل حالي مشاهد
دارت الدنيا حوالي نفسي ونَفَسي منها كابت
نادولي المستقبل والماضي نتفاهم نعمل قعدة
راكض من هم لهم متل سعي الصَّفا والمروة
سيف الوقت ما قطعني رما عليي الحربة
بنتحر بحبالي الصوتية وكل يوم بعيد الكرة
كوكب زُحل نادالي قلي المسافة عم تكبر
هون المعنى بقلب الشاعر والشاعر من جوا تكسر
مُبتدِئ بمعنى السعادة مفكرها حرف علّة
عايش بس من جوا ميت وهون العلّة
جيبولي كاسة حبر قلمي عطشان بدو يشرب
جابولي كاسة السم شربت وصارت روحي تهرب
عطشان إسقيني دموع أحسن ما بالمخدر اضرب
عم واسي حالي لحالي وحالي واقف ومستغرب
سارد لا تسأل ليش عم بحكي مع حالي
شافوني الناس وضحكو وسموني مجنون
كلشي سواد وعتمة وعم غنيها ببالي
حاسس حالي فضائي ضايع بهالكون
عددت تعداد القوافي لحتا قالوا متلك مافي
بالشعر ما عندي حدود ف لا تحكي عالحد الكافي
لما بشوف صورتك بجيكي لو بمشي عالجمر حافي
بتذكر أيامنا سوا ببرد ف بشد لحافي
برجع بسرد بالسما لدور على ملاكي الحارس
بسكت ما بلاقي حدا ف ببلش اعمل كوارث
معنى حياتي ما لقيتو بالمعاجم والفهارس
البشر معادن بس أخبث من الخبائث
هاد الكوكب كلو هموم مافي لا راحة ولا نوم
قالو كيف كان الماضي قلت إسألوا ام كلثوم
كلي عم يغرق بالقاع فيني مثلث برمودا
عم حارب جوات عيونا وعم تعزف لحني ع عودا
يا ليل
يا ليل
تعبان بدي نام
بهرب من عقلي الباطن جواتو دافن أحزان
مالي شب منغلق بس بكره الإزدحام
عم حاول اتماشى مع كوكب مافي إنسجام
لا لا مافي إنسجام
بيبي
روحي مريضة بتتعافى ببحة صوتك
بسمع موسيقى الغزل يلي عم تطلع من روحك
كنتي صديقة بس من هلق قلبي حيصونك
صرت حب الحريقة لما بحس بدفا ضلوعك
سارد لا تسأل ليش عم بحكي مع حالي
شافوني الناس وضحكو وسموني مجنون
كلشي سواد وعتمة وعم غنيها ببالي
حاسس حالي فضائي ضايع بهالكون
