انا شخص حبيت من كل قلبي
بس القدر والنصيب ما وقفو جنبي
بتمنى ارجع طفل صغير
وقت كنت اركض ورا العصافير
بس الزمن ما بيرجع ولا بيتغير لو شو ما صار يصير
لما قلت اني بحبك ما بعرف شو حسيت
كان بدي تكوني ملكي ونبني سوا بيت
حسيت بس ياريتني ما حسيت
علقت قلبي بحبك وعلى حالي جَنيت
انتي عشق الابدية
حُبك رمز العبودية
ابوكي قال اتركيه
معو الجنسية السورية
قال بدو انسانية
بأرض العبودية
والظلم والوحشية
يلعن اخت العنصرية
انتي البنت يلي حبيتها بقلبي خبيتها
عمري عطيتها وبروحي فديتها
ليش نزلتيلي دموعي وطفيتي كل شموعي
انتي الدم يلي بعروقي انتي ضلع من ضلوعي
عم حاكي ظلي وقاعد عم اضرب بحالي
ماحدا عم يسمعني حاسس حالي وحداني
اناني
انا بحبك اناني
بتمنى تسمعيني ماعم بيأثر كلامي
احلامي
ضيعتيلي كل احلامي
مخبي وجعي بقلبي وعم اقرأو لحالي
احساسي
دمرتيلي كل احساسي
ارجعيلي بدي ياكي محتاجك يا ملاكي
في لعنة جوا راسي اسمها لعنة الحرب
بدي اخد تاري بايدي بس بدون ضرب
افتحي قلبي بتشوفي جواه شعلة غضب
لما قلتي لح تفقدني انا عشت بحالة رعب
قلتيلي لازم نترك بس ما قلتيلي شو السبب
انا مختنق من دونك بس مصيري انكتب
كآبة انا عايش ب كآبة
متغرب عن بلادي وحاسس حالي بغابة
غابة
هي الدنيا والله غابة
سحآبة
فوق راسي في سحآبة
الدنيا ماشية بسرعة وعلى حبك عم بسابق
ابوكي لازم يعرف انو ب حبي انا صادق
سهرت ليالي وانا عم استنى رجوعك
بحياتي ما فكرت للحظة اني خونك
كانت تطلع مني روحي لما شوف دموعك
بحياتي ما توقعت انو قلبي ب حبك يهلك
بعدتي عني والحزن بقلبي استمسك
لك صارت عادة عندك انو بقلبي تجرحي
عم يخطر على بالي من هالكون انمحي
كل ما شوف صورتك عقلي مني بيستحي
من لما تركتيني وانا عم يصيبني ندم
خايف تغفى عيني وارجع شوفك بالحلم
انا الشخص يلي انكسر لما حبك وانظلم
لما انتي تكوني بخير حتا روحي بتبتسم
مرض
حبك جواتي مرض
فرض
صار صوتك عندي فرض
ضغط
انا عايش حالة ضغط
غلط
اني من بعدك ارتبط
حبيتك وانجبرت انو عن حبك بعدت
بدي ياكي ترجعيلي انا لصوتك اشتقت
