انا مش حمل العتاب ولا الكلام هيفيد

وادي الزمن بيعدي والبعيد فضل بعيد

وادي الحزن بيزيد و مش حل تكون وحيد

ولا الحل تعيش بس النوم ده حل اكيد اكيد

العمر جري ف غمضت عين انا اتسرقت

ولا مني عيشت الكدبه ولا مني حتي صدقت

ولا منك بالوقت نسيت ولا مني نسيتك بالوقت.

بس انا عملت بالوعد انت عامل اي دلوقت

متقولش مالك قولي ازاي وصلت لكده

‏الشك نقطه ف بحر نص حقيقي المتاكده

‏كان بنا حب و قلب عدا

‏كنت طمعان ف قربك بس بعدك برده رضا

‏

متقولش حاجه عنيك حكتلي كل حاجه

ياللي كنت كل حاجه بس غيري خد مكاني

و خسرت كل حاجه خسرتني و خسرت حاجه

كنت ممكن تبقي حاجه اديك بقيت ضمن الاغاني

شتوايه ورا شتوايه وهي مش معيا

لا مني كتمت كلامي ده ولا كملت الحكايه

‏ومين يحس اللي جوايا

افرحلك بقي يومين عشان هتحزن ف النهايه

سكتلي صوتها بزعل وافتكر كلامها

سكتلي كل طريق و عملت المستحيل عشانها

وكان عشمها اني ايأس واتعب انساها من سكات

غيرت رقمها ولسه محتفظ بالشات

كان بين الذكريات تفاصيل و بيني وبينها حاجز

مهي بقت للي جاهز بعد ماكانت للي حاجز

البعد اكيد مش جايز و انا مبقتش عايز

أسهر لوحدي ف اوضتي بكتب و بسمع ازايز

مبقولش لوحدي م انا لوحدي هقول لمين

لو لسه قلبك ابيض اقفلها شمال يمين

و بلاش تقول حزين قول زاد الحنين

وكل منسي افتكر وكل مقسي الين

كان مستخبي فين ده كله أن شوفت حبيبي قوله

إن كل الحزن ده بعده وان حلوي دأب ف مره

مسالتش لي لانا جنبك ولا انت جنبي

لا ذنبك ولا حتي ذنبي انا مش حمل وجع قلبي