عروستنا فنه
عروستنا فنه مادا يديها للحنة
ياربي تحجبها وتعطيها ماتتمنى
عروستنا هاهي منورة فالعمارية
الملحة والسر عليك والنخوة مغربية
واهيا لبنات غير ديرو معانا يدكم
لعروسة برزات فرحو شطحو عقبا لعندكم
مولاي السلطان يامرضي الوالدين
لحباب ولصحاب الليلة معاك حاضرين
لالة لعروسة الهمة والشان مواتيك وريدة محروصة خمسة وخموس عليك
يالله البنات غير ديرو معانا يدكم
لعروسة برزات عقبا لعندكم
هاد الليلة بالذات تسوا الدنيا بللي فات
عروسة علينا طلات
بالدقة والزغراتات
عريسنا اسمع نوصيك
لعروسة كتموت عليك
غي ديرها في عينيك
راك نت ليها وهي ليك
واهيا لبنات غير ديرو معانا يدكم
لعروسة برزات فرحو شطحو عقبا لعندكم
