يا بعيد عالعين و قريب من القلب

قلبي مسكين و اغلب من الغلب

بناديك اسمع قوم طمني

لازم نرجع و تكون جمبي

انا بيك مجنون و عاشق خطاويك

لو بينا الكون انا مستنيك

مش قد فراق ولا حمل قساه

قلبي مشتاق و غلبت معاه

يا ساكن بالي و مالك الوجدان

يا شاغل حالي بحبك مهما كان

بخاف تنساني مالبعد و المسافات

هنرجع تاني و نعوض اللي فات

ازاي انا اعيش و انساك ازاي

قول منستنيش قول انك جاي

بتروح و تغيب ما كفاية عناد

يا اغلي حبيب طولت بعاد

يا واحشني كتير قول فين اراضيك

مليت تبرير تعالالي هراضيك

انا شفت عذاب و انا مش وياك

و القلب اهو تاب و اختارلي هواك