أنا صاحبة رأي
وعايشة حياتي بوجهة نظري
ما بقولش كلام من ورا قلبي
مش مؤمنة بيه
وأبويا علمني ما خفش
ودايما أواجه قدري
وما دام على حق ما خفش
دا مبدأ عايشة عليه
أنا صاحبة رأي
وعايشة حياتي في وجهة نظري
ما بقولش كلام من ورا قلبي
مش مؤمنة بيه
وأبويا علمني ما خفش
ودايما أواجه قدري
وما دام على حق ما خفش
دا مبدأ عايشة عليه
أنا واضحة وضوح الشمس
في عز الضهر في عز الصيف
أيامي ساعات من فصل ربيع
تقلب على فصل خريف
لكن لوني واحد مش بمشي بألوان الطيف
وفي ناس بتشوفني قوية
وناس بتشوفني حد ضعيف
أنا حاجة من كل حاجة
أنا حالة برا التصنيف
وأهم نقاط قوتي
لسة محافظة على قلب نضيف
في مواقفي الصعبة
أنا اتحديت اليأس بأملي
ما بحبش أسقف للغلطان
ولساني صريح
وما حدش كاسر عيني
الناس تشهدلي بعملي
من صغري بكافح
ما اتهزتش قصاد الريح
أنا واضحة وضوح الشمس
في عز الضهر في عز الصيف
أيامي ساعات من فصل ربيع
تقلب على فصل خريف
لكن لوني واحد مش بمشي بألوان الطيف
وفي ناس بتشوفني قوية
وناس بتشوفني حد ضعيف
أنا حاجة من كل حاجة
أنا حالة برة التصنيف
وأهم نقاط قوتي
لسة محافظة على قلب نضيف
وأهم نقاط قوتي
لسة محافظة على قلب نضيف
