عمرك حسيت بمراره ويأس
جربت الَضيقه وكسر النفس
طيب ضيعت سنين عمرك
مع ناس لا بترحم ولا بتحس
جربت تعيش بين تل جروح
قلبك مخنوق مش راضى يبوح
بتموت وعينك لسه بتضحك
جربت ف مره عياط الروح
بضحك وانا الموجوع
وقلبى كله دموع
عايش بحاول اعيش
صابر بقالى سنين
والصبر طعمه حزين
والدنيا مبترضيش
انا عايش الحياه مضطر
مشفتش منها حاجه تسر
فشلت اساير الموجه
بعوم عكس اتجاه البر
عمرك حسيت بالاستسلام
وانك تايه وسط الايام
وحصاد ايامك ولا حاجه
محكوم على حلمك بالاعدام
جربت تهون على اغلى ما ليك
وتعيش بين ناس مش لايقه عليك
جربت ف يوم تكره طيبتك
وتشوف قله بختك بعنيك
