زي موج البحر لما يزق فينا
خداع تفتكره بيبعدك لكنه بيسحبك
زي ريح قوية بتودينا
لأبعد مكان وتحدفك أو تخطفك
زي شمس وقمر ما بيتلاقوش
زي ضمير بيصرخ ما بنسمعوش
وفي النهاية دورك في الحكاية إنك
ترفع الراية وتكمل غصب عنك علشان تعيش
مش كل المعاني بتتفهم ولا الكلام
مش الكل الجروح بتلاقي صرخة أو آلام
مش كل هم يتحكي أو تقدر بيه تبوح
مش كل حب حقيقي يبقى مسموح
زي الدموع ألم وجرح مش مسموع
زي الرجوع في طريق من الشوك مصنوع
زي كل حاجة حلوة بتتطفي
زي البراءة اللي فينا وهي بتختفي
زي شمس وقمر ما بيتلاقوش
زي ضمير بيصرخ ما بنسمعهوش
وفي النهاية دورك في الحكاية إنك
ترفع الراية وتكمل غصب عنك عشان تعيش
