‎داري يا قلبي

‎مالك مش باين ليه؟

‎قلبك تايه من مدة كبيرة

‎خايف تتكلم ليه؟

‎في عيونك حيرة وحكاوي كتيرة

‎متغير ياما عن زمان

‎قافل على قلبك البيبان

‎حبيت وفارقت كام مكان

‎عايش جواك

‎إحساسك كل يوم يقلّ

‎وتخطي وخطوتك تذلّ

‎من كتر ما أحبطوك تمل

‎فين تلقى دواك؟

‎بتودع حلم كل يوم

تستفرد بيك الهموم

‎وكله كوم والغربة كوم

‎والجرح كبير

‎مابتديش حاجة اهتمام

‎أهلًا أهلًا، سلام سلام

‎بقي طبعك قلة الكلام

‎ومفيش تفسير

‎داري داري يا قلبي مهما تداري

‎قصاد الناس حزننا مكشوف

‎واهو عادي عادي، ماحدش ف الدنيا دي

‎بيتعلق بشئ إلا وفراقه يشوف

‎كل اللي معاك في الصورة غاب

‎وطنك والأهل والصحاب

‎كم واحد ودع وساب

‎من غير أسباب

‎شايف في عينيك نظرة حنين

‎بتحن لمين ولا مين

‎طول عمرها ماشية السنين

‎والناس ركاب

‎مع دقة عقرب الساعات

‎بتموت جوانا ذكريات

‎عشِّمنا قلوبنا باللي فات

‎ونسينا نعيش

‎كان مكتوب نمشي الطريق

‎ونفارق كل مدى شيء

‎اتسرق العمر بالبطئ

‎ورسي على مفيش