حبيبي لا تواسيني ترى خوفك علي ذباح
دخيلك لا يهمك شي من همومي ولو صاحت
انا اللي بنقل همومك مع همي وعش مرتاح
ترى لي شفتك بقربي مصابيح الامل لاحت
تقول ارتاح لا تتعب وانا اقول الزمن ما ارتاح
الى داويت لي عله وراها علة ناحت
حبيبي هذي الدنيا نقضيها صبر وكفاح
وهي من يوم ابونا ادم ابد ماعمرها ارتاحت
دواها الصبر والفاهم ترى صبره لها مفتاح
ابصبر لو دموع القلب من عيني لها ساحت
تبسم لا تواسيني ترى همك لعيني راح
الى شفتك تبسم لي تاكد علتي راحت
