أول الحواديت انتي، آخر الحواديت انتي
مدي ايديكي بين ضلوعي، وانزعي خوفي ودموعي
آه انتي، يا ملهمة عمري، و غربتي و وطني
وبكل ما ف عنيكي من بهجة وبراح
رجعي عمري اللي راح
وكل ما افتكر اني وصلت ف عشقي ليكي منتهاه
الاقي العشق زي البحر مَدّ الشُّوف مالوش آخر
معرفش ليه حسيت بحزن الأوليا وانا بين ايديكي
يا ملهمة عمري، و غربتي و وطني
كل ما في الأرض فاني
وانا عشقك وهبني خلود
بالله عليكي زوريني حتى ف منام
كوني جوه الروح وجود برد و سلام
يا ملهمة عمري، و غربتي و وطني
مرسومه فقلبي بالحنة، وعشقك شيئ من الجنة
ضيك بيشبه في جماله
ضي البيوت المليانين مودة ورحمة
يا ملهمة عمري، و غربتي و وطني
وبكل ما ف عنيكي من بهجة وبراح
رجعي عمري اللي راح
وكل ما افتكر اني وصلت ف عشقي ليكي منتهاه
الاقي العشق زي البحر مَدّ الشُّوف مالوش آخر
معرفش ليه حسيت بحزن الأوليا وانا بين ايديكي
يا ملهمة عمري، و غربتي و وطني
