الكلمات :-
فكرة التراك نبعت من إني
حاولت اندرج في سكك كتيره
منهم سكه بلقي نفسي فيها
وسكه موجود عشانها
خلينا نشوف
يمكن إهانه إني اتمسك بشئ مُتخلي عني
عِشره سنين اتحول الشاعر لكيان بيغني
بدأت حكايتكوا بمزيكا جيلنا الجديد حاببها
زي الطفل اللي لقي عروسه وحالف مش هايسيبها
كلمات وراها معاني علي ورق قطع فيه احسن
ظروف تبعد اول طرف فالطرف التاني يحزن
إيه حل معادله واحد وواحد يكونوا واحد
الطرف الاول يحلم بتساوي المعادله وزائد
يتشال الحزن او يطبع علي كلمات لسانه
طفل نشئ وسط وحوش عامل ابو زيد زمانه
الطرف الاول يحلم فالطرف التاني يقرب
فالاول يرجع خطوه بس التاني يقولوا جرب
ازاي هتيأس مع اول معركه تخوضها بجد
طالما قبلت تكون إله مفيش رجوع كعبد
تقصد إني أكمل رغم صعوبه الطريق
ماتخافش طول مانا جمبك انا اخ ليك ورفيق
اُكذوبه بين النفس وبين كلمات من جوه العتمه
طرفين طموحهم عكس بس النفس ليها كاتمه
كلمات بتدي حقها والنفس رايده تزيد
بس القدر بيهدم الطرفين بدون تحديد
تبدأ في سكه فتعجب فالاقبال عليك يهل
البحر يحب يزيد مش كونه كبير ففجأه يقل
كلمات تتوالي كل فتره فثقه الاول تكبر
ربك يزيد في الطرف الثاني فتحمد مش تتكبر
كذا سكه غلط ريسين علي مركب تغرق
إشمعنا غيري حاول طب ما اجرب إيه هيفرق
فتفشل في الاساس وتنمي الفرع فتفوّت
فرص اساسيه تنجح بس انت اخترت تموّت
نفسك كلماتك افعالك وكل اللي باقي عليك
فالعقل يسيطر والقلب يرضخ ربنا يهديك
اثبت في مكانك الاساسي عشان اطرافك ترجع
بتنصحوني بإيه مهما عملتوا عمري ما هسمع
ده الجسم المتحكم في الاطرف نفسوا مشلول
والاطراف من كتر ما حاولت مالت للخمول
ده كان توضيح بسيط لحالتي في فتره سابقه
رويتلكوا بغرض العظه واللهي بنيه صادقه
اُكذوبه بين النفس وبين كلمات من جوه العتمه
طرفين طموحهم عكس بس النفس ليها كاتمه
كلمات بتدي حقها والنفس رايده تزيد
بس القدر بيهدم الطرفين بدون تحديد
دي كانت تجربه استعرضت فيها
محاوله جمع بين الغني والتصوير وفشلت
بس انا اخترت الغني لإن الهيب هوب بيجري في دمي
اهم حاجه إني إتعلمت
حمدلله
