انا كداب .. انا مانستش
فضلت استنى واتاري حكايتنا اللي مستنتش
ومهما بغني لغيابك وللنسيان
رجوعك غنوة لسة ف قلبي ماتغنتش
اشوفك فين .. وحشتيني
غيابك مش وجع هيروح .. ده شوك ماشي فـ شراييني
بقيت ماكرهش سيرة الموت
عشان انا مت فعلا لما نسيتيني
و على عيني اشوفك جاية قدامي وابص بعيد
على عيني تفوت بينا الليالي وتنتهي المواعيد
على عيني اقول للناس .. حكاية وانتهت وخلاص
وانا فـ سري بحبك تاني كل ما اقول هحب جديد
على عيني اشوفك جاية قدامي وابص بعيد
على عيني تفوت بينا الليالي وتنتهي المواعيد
على عيني اقول للناس .. حكاية وانتهت وخلاص
وانا فـ سري بحبك تاني كل ما اقول هحب جديد
تعبت خلاص من التمثيل
انا لا بخير ولا قلبي بقى عايش ومش بيميل
بتوّه نفسي فـ الدنيا والاقيني
بقول الصبح انا كويس .. واموت بالليل
طلعتي لسة ويايا
ومانستكيش ولا هنسى .. ولا وجعي ده ليه نهاية
فرحت اني بقيت مابكيش قصاد الناس
واتاري دموعي نزلت مني جوايا
و على عيني اشوفك جاية قدامي وابص بعيد
على عيني تفوت بينا الليالي وتنتهي المواعيد
على عيني اقول للناس .. حكاية وانتهت وخلاص
وانا فـ سري بحبك تاني كل ما اقول هحب جديد
على عيني اشوفك جاية قدامي وابص بعيد
على عيني تفوت بينا الليالي وتنتهي المواعيد
على عيني اقول للناس .. حكاية وانتهت وخلاص
وانا فـ سري بحبك تاني كل ما اقول هحب جديد
