عمي .... عمي
صباح الفل يا عم الكل واحشنا يا سيد الناس
طول عمرك غالي مقامك عالي و بتتشال عالراس
كل اما بشوفك بس بحس الدنيا دي لسه بخير
و اللمه الحلوه بتكمل لما نشوفك يا كبير
متغبش علينا و تقطع بينا و خلّي مابينا سؤال
لو هحكي عليك من هنا للصبح ده احلى كلام يتقال
كل اما بشوفك بس بحس الدنيا دي لسه بخير
و اللمه الحلوه بتكمل لما نشوفك يا كبير
جايين بنمسي عليك ياللي بنتشرف بيك بتلم الناس حواليك و انت اللي مجمعنا
انت اللي الدنيا في كوم و لوحدك بس في كوم لو نزعل بس في يوم انت اللي بتسمعنا
كل اما بشوفك بس بحس الدنيا دي لسه بخير
و اللمه الحلوه بتكمل لما نشوفك يا كبير
يا صباح الفل على اللي في سيرته بتحلو المواويل ياللي اتربيت عالغالي يا غالي يا ابن الناس يا اصيل
انا هبقى بخير طول م انت بخير دايما طمني عليك
و اللمه الحلوه متبقاش حلوه ابدا غير بيك
ليك واحشه حبيبي و دايما تيجي في وقتك مهما تغيب مهما تروح فيو ولا بروح فين على بالي و برضو قريب
خلّي اللي يشوفك بس يحس الدنيا دي لسه بخير
و اللمه حلوه بتكمل لما نشوفك يا جميل ...
