مكنتش أعرف
إن الشمس في بعادك ممكن تخون
و إني ماليش
غيرك دليل وسط الغيوم
و إن صوتك
هو الأغاني و المعاني و الوجود
و إني في بعدك
مهما كان حواليا صوت
مفيش في قلبي غير سكوت
..
مكنتش أعرف
إن وجودك مشكلة لكن أمان
و إني عرفت
جوا عيونك معنى الكمال
و إن حبك
جوه قلبي كان لروحي إحتلال
و مهما أحاول إني أهرب
ألاقيني برجع
ماهو بعدي عنك شىء محال
..
مكنتش أعرف
إن الشمس في بعادك ممكن تموت
و إني في بعدك
تايه وحيد وسط الغيوم
