عايشين في بلاد كل اللي بنحلم بيه مش بنلاقيه

كل ما نيجي نعيش حلم كبير وسط مجتمع عقيم بنلغيه

بعدين بنبقى بدون أهداف ولا إنجازات ولا تاريخ

ارضى بالمكتوب بتتقلي كتير، بقينا عايشين بس علشان نعيش

مبتحسنش فعلاً مبتحركش كتير و مبروحش بعيد، لأ للأمانة مفيش جديد و لسة مش سعيد

بفكر أعتزل كل حاجه و أرجع تاني لقوقعتي

أرجع ابتكر زي زمان احاول ابدِع بدل ما دماغي تصدي

مبقتش عايز اعيش بقيت عايز الوقت فقط يمضي

لو مبعملهاش علشان نفسي، ف الاخر مش سعيد برضو ، يبقى في مين برضي ؟

طب تمام لازم خلاص اتأقلم مع حياة مليئة بالمعاناة

لكن هل التأقلم حتى كفاية ؟

كل ده قاعد مستني نهاية الحكاية

لكن مالها مبتنتهيش ؟

لأ استنوا اقعدوا ساكتين

ده كفاية الأصوات اللي ف دماغي اللي كل ما الغيها تيجي و تزن من تاني ، تخليني اركز ابص ع حياتي، اعد ف انجازاتي و مش قادر حتى مع الاحباط ده اهاتي، كنت مكتئب و شكلي راجع للاكتئاب تاني

كل ده ايه اللي كنا بنعمله ؟

هل فادني بحاجه كل اللي بكتبه ؟

هل حلمي ده وسط البيئة دي ممكن حتى المسه ؟

I hate you all و بقولها عالعلن لإني عارف ان انتو اصلاً مش بتتحسسوا

حقدكم واضح انتو كارهين لي الخير

طول عمري و أنا بأدف لوحدي عكس السيل

ماشي لوحدي بحارب عكس السير

I don't give a shit anymore

طز ف اللايك و الشير

رأيك لا أكترث لِيه

بتتكلم ليه و أنت معدِّتش باللي عديت بيه

إنصَح نفسك أحسن أنفَّع يا شقيق

بgive life the middle finger كل ما تديق

في كلام كتير مكبوت جوايا

الف حكاية و حكاية

ياريت بس تكفي these rap sheets

و هودي على أي لون على أي beat ده أكيد

في حالة تشتت دائم مش فاهم

ازاي التعب ده ممكن يساهم

في إنشاء شخص ناجح

لأنهم دايماً بيقولوا كدة

و لكن أنا مبقتش غير شخص تعبان و سائِم

مش ضامن حاجة و مش ف ايدي حاجة غير النجاح

علشان زهقت من الفشل و بقى الهدف ملوش بدل و محدش هيفدني من الناس

كل ما احاول اكتر كل ما كل حاجة قدامي بتتحطم

مخنوق من القهر مش الغاز

الإبداع عندي غريب لإني لاحظت إنه فقط بينشئ عندي و أنا مطبق و أثناء المساء

مستني ايه؟ اقفل خلاص التراك مفيش كلام تاني هيتقال