اه ياسنجل يابن المحظوظه ، يابرنس ورايق علطول ، أيامك سهله ولزوزه بالعرض عايشها وبالطول ،
ولا عندك عيل ولا تيل وسيادتك عنهم مسؤول ، بتنام لما الدنيا تليل علشان بالك مش مشغول ،
مش شايل هم ومتسوح ولا بتجيب عيش وانت مروح ولا شاغلك وقفة أعياد ، لا مراتك بتطلع عينك لو غيبت دقيقة تقول فينك إتفضل خد مني الواد ،
إسمعني وخد مني نصيحة من قبل الفاس ما تقع في الراس ، صدقني كده الدنيا مريحة على إيه تفرح فيك الناس ،
لا جواز ولا هم ولا دياولو ليه بإيدك تترمي في النار ، والله الهم اللي أنا شايله لو شاله جبل يوم ينهار…….
