مكثر غلانا وحبّنا ولا هو شويّه
لمدرسة البكالوريا الأمريكيّه
دفعة ألفين وتسع تعش .. ما لنا والله مثيل
دعمكم تمّم تخرّجنا .. ومنّنا الشكر الجزيل
اليوم يا كبر الفرح
تكريمكم اغلى وسام
حلم وتحقق وانتهى
وصلنا لي مسك الختام
وبتستمر احلامنا
باقي سنين اعوامنا
تثبت لكم ايامنا
فعلٍ على قد الكلام
ذكرى بتبقى للعمر
فرحه بعد طول الصبر
لا تسألونا وش كثر
تسوالها مليون عام
عشنا وتعلمنا سوى
صرنا في أعلى مستوى
من بيننا عشق وهوى
ومن بيننا حب وغرام
يا رب ندعي كلنا
تحفظ ابونا وأمنا
ودايم تخليهم لنا
سبحان عينٍ ما تنام
احنا ولاشي دونهم
واحنا نظير عيونهم
الليل يضوي بنورهم
والصبح لا غابوا ظلام
يا دارنا دمتي بخير
فضلج على العالم كثير
وبعيوننا شيٍ كبير
دار المحبه والسلام
هذي الشهاده سلاحنا
ودونج نسوم ارواحنا
انتي سبب افراحنا
يا كويتنا دار الكرام
