خسارة وقتنا وايامنا قربك

خسارة حبّنا واحلامنا العذبه

توقعتك أمين وخايفٍ ربّك

لقيت انّي بغرامك عايشٍ كذبه

خسارة كل ليله عشتها جنبك

وقلبي في المحبّه ضايعٍ دربه

تخادعني وربّي ما ستر ذنبك

ولا في شي يالكذّاب يتخبّه

تمنّيتك وانا متعشّم بحبّك

وحبّيتك بعد ما كنت لي رغبه

عطيتك حب ما يستاهله قلبك

وعشتك حلم ما عمرك بتحلم به

انا رايح تراني عايفٍ دربك

ترى قلوب الخلايق ماهي بلعبه

تأكد ما أبيك وما أبي حبّك

يا اكثر شي كنت ابغاه واحبّه