عسى الله يرحمه حبٍ حيا فيني بدون شعورٍ
عماني عن خطا رايٍ ... تساوى خيره و شره
عِجزت أشوفك بعيني وقلبي ما يطيع الشور
لأول مره في دنياي تخون عيوني النظره
رفيق العمر وجروحي زرعتك في طريقي زهور
حسبتك مني وفيني زرعت بقلبي الحسرة
أجيك أسابق ظلالي بصدقي ماعرفت الزور
أجي واشكي لك الدنيا وانا قلبي على الفطره
خِدعت الهقوه وظنوني ظبطته ابصراحه الدور
انا وشلون ما شفتك ؟! عمتني ضحكتن صفره
ألومك ليه و إنت انسان تراك بذمتي معذور
تفضل روح يا غالي ولا نشره ولا نكره
عطيتك من فِضا عمري وغرقت من الغلا في بحور
هديتك موقف و موقف قسمنا بيننا التمره
خسرت اللي وهُبك العفو وانا عنك طُهور و نور
تِشوم النفس و تتغير خلاص انقطعت الشعره
