لولا الأمومـي بالدّني ضاع الوُجـود
هِيّي المَحَبّـي القاطعا أبعـَد حـُدود
وكِلّ مَ شِفِت إمّات عَ صـدورا ولاد
تزَكَّر العـَدرا الحاضـني سِرّ الخـلود.
صلّي اركَعي يا أرض وقبـالو انحـني
وتوشَّـحي مِن نـور اللّه يــا دني
وترنَّمي يا ملايكي بِ عرس السَّـلام
عِرشِ السّما عَ الأرض بَلــَّش يِنبِني
الّليلي وِلِد يَســوع دِقّـي يا جراس
وزِفِّي الرَّجا لِلنّـاس لَ آخِــر سِني
طَلَّيت يا هالنّـُور تَ يتِمِّ الخَـلاص
وتِزرَع الحَقّ درُوب خَضـرَا مزَيَّني
ترَكت السَّما يـا رَبّ وقصُور الصَّلا
وولِدِت بِ مغـارَا عتيقَــا معَتقَني
ما لقيـت عِـنَّا بَيت يِندَهلَـك هَلا
يا مَجـد عـالي وبِالتـّواضُع مِغتِني
