قد اعلنت افلاسى - جدعنتى خلصت على ناسى
عبيط سدقت احساسى - فكرهم انا دايمين ليا
سحابه بتمطر قله - افعالكو دى حاجه مخله
وشيطانكو بيكو بيتسلا - والغدر فيكو طبع وغيه
كل اما احاول ان اخون - قلبى يقولى صحيح مجنون
منا متربى بأنى اكون - ابقى جدع فى زمن ملعون
هما اختارو السكه التانيه - لما اتغرو بمال الدنيا
وانا رجولتى هفضل عايشها - لو فاضل فى عمرى ثنيه
اتعلمت من الايام - ان الحب ده فى الافلام
واللى انا عيشتو ده كان احلام - بس بشوفها فى كل منام
كل وعودك طلعو اونطه - ياللى فرقتى حسبتك غلطه
خسرتكو خير كله مكاسب - الصبر كله هيتحاسب
اشكالكو ليها اسم مناسب - شركه خيانه للغدر الخام
منتجكم خد ختم الجوده - ومفيش تفاهم ومهوده
سكه ذهاب من غير عوده - وداع نهائى من غير سلام
انا ربنا عوضنى بخير - استعجلتو وفاتكو كتير
انتو طلعتو بنص ضمير - لما مشيتو حصل تغيير
بحر الصحبه طلع مسموم - كنتو مسلسل كلو نجوم
اتريه اوفر ف المونتاج - اصل المخرج غلبو النوم
هاخد سيلفي وهضحك فيه - والكومنت هرود عليه
بعيده بوست على ابن الايه - قصف الجبه هيرشق فيه
مقصوده جدا للى فكرنى - انى فى بعده ولما هجرنى
انى حياتى تقف من بعده - انتا اخترت انك تخسرنى
خلاص قفلت الحنفيه - مبقيتش ادلدق حنيه
كل اللى لي جميله عليا - خد من جمايلى رصيد مفتوح
وياندل اسمك ده مزكرو - فى القلب والعقل انا فكره
شوفت الكلام لما اتكترو - خلو الاسد يقبض 100 روح
اللى هيمشى هيجى بدالو - لأ مش واحد شعب بحالو
واللى كانت لى ملاك مرسوم - قال فكرانى هعيش مهموم
انا دلوقتى بقيت مع غيرك - بفرح واضحك طول اليوم
واحده معاها انا شوفت الجنه - دمها سكر زايد سنا
بدلعنى معاها بتهنى - هيا تحقق وانا أتمنى
بنت بلد ديما شريانى - وقت الشده تكون سندانى
لو جيبى فاضى بتستحملنى- واما أتأخر تستنانى
وأما الدنيا دى صوره - ليه خلق بضحكه مكسوره
حياه عنوانها فزوره - متاها وكلو تاه فيها
ميزانها تملى بيخسع - فى جرح وغدر بتوزع
وليك الكل هيوسع - بمالك بس تغريها
اللى فهمتو من اللى أتعاش - ان الموت مبيستناش
واللى ف مره أتباع ببلاش - عمره فى يوم ما هيبقى بكاش
اللى تمامو فلوس ولا يسوا - قلبو مترب عايز كسوا
واللى يفكر مره يبيع - يبيع تانى وخد على القسوه
اه يازمن اصلك خداع - واللى يأمنك فعلا ضاع
اتخن واحد لف وصاع - بتوريلو الخوف انواع
قطر الناس بيدوس الطيب - مين بيحن ومين بيطيب
والاخلاق اسمها مشطوب - كدا القيامه ميعادها قريب
