أنا رايح عالجندية
سامع صوت الحرية
يا أمي لا تنهمي
ولا قلبك يحمل همي
أنا رايح اخدم علمي
بقلبي وروحي وعنيي
عليي تغير أشيا كتير
أنا ورفقاتي بالجيش
الفيقة من النومة بكير
وأيام اللي كان كلها طيش
اللي بدو يعلا وبدو يصير
لازم يطوع بالجيش
يا أمي بيت الدلال
الحبيتو والرباني
بيضلو ساكن بالبال
وعتباتو ما بتنساني
الجيش ومدرسة القتال
هو هني بيتي الثاني
أنا رايح اخدم علمي
بقلبي وروحي وعينيي
