في ناس على الحزن اتربوا و اتولدوا عالهم و كبروا

واللي ملوش ظهر يا دنيا احسن له ينزل على قبره

الآه فقلبي بتوجعني، بصرخ و مين رح يسمعني

انا روحت للفرح بلاده، ركبني قطر و رجعني

الدمع عندي كتير جداً، ورثته اباً عن جداً

عملوا امتحان ملك الاحزان، تقديري كان جيد جداً

فبحر ويل و مرار عايم، بفطر على الآه وانا صايم

الفرح جه يسأل عني، قالوله متغطي و نايم

الهم ساكن فضلوعي، و احبابي طافينلي شموعي

يا دنيا يا منشفة ريقي، متنشفي مره دموعي

القلب مليان و معبي، من الظلم مش قادر اخبي

ليه يا دنيا لو اقولك عطشان، على راسي احزان بتكبي

طول عمري فالدنيا بقاسي، حتى الحنيّن بقى قاسي

لو حد مره جرحته يقول، و يفكروني لو ناسي