MshaherBio ★ مشاهير بايو

كلمات اغنية فاروق فنتسكا farok fntska – ايام صعبه

ايام صعبه وليلها بتزود همنا

ياما شفنه فيها وتعبت قلبنا

مشيه معانا ب الزق وادينا بنكح تراب

جايبه علينا الحق وحنا عايشين ف عزاب

بنقاسي ونقول تتعدل ونصبر نفسنا

ايام صعبه مشفنهاش واخده حقها مننا كاش

بتشيل فينا وبترمينا وتغربنا عن اهالينا

بتبهدلنا وبتحرمنا وتعذبنا باغلا مالينا

وبتحوجنا للي مايسوا وتضحكنا وتبكينا

ايام صعبه ورخمه لونها اغمق من الفحمه

حتا الحجات الحلوه ضاعت وسط الزحمه

ازمه وراها ازمه كبرت صبحت حزمه

تقل الحمل علينا ولاحد علينا سما

ايام صعبه وقاسيه ع اي حال مش راسيه

حظنا فيها قليل ولا احنا بختنا مايل

بنشيل ولا مره نشيل وبتعمل فينا عمايل

مش عايزه تسبنا ف حالنا ولاعاجبها احوالنا

وراضيه بزلنا

ايام صعبه ملهاش صاحب ولابتعاشر ولابتصاحب

فيها ناس تعبانه مش عارفه تعيش

وناس غلبانه ملهاش خرابيش

وناس فرحانه ب القراقيش

وناس بتشمر للمتحمر وبتحبس بكاسين وحشيش

وعن اموالها مبتزكيش يااااا

وتيجي تقصدها ف شربه ميا تلقا قسيه وتكسر خاطرك ب معنديش

ايام صعبه وغداره سقيانا المر بقطاره

جيا علينا ب القوي وشاده حيلها علينا

كل مانيجي نعدلها ترجع تميل بينا

بتغرقنا ف بحر عذاب نفتح باب تقفل باب

ازاي وليه واللي احنا فيه دا اسمو اي

داسحر ولاعين يكفينا شر الاتنين والحارس ربنا

ايام صعبه ملهاش غالي ترفع واطي تنزل عالي

كترت فيها الحوجه والعدله بقت معووجه

بقينا ف زمن البابجي يرحم زمن السيجا

البركه كانت موجوده وكان الخير بيلالي

وكان الخير بيلالي

ايام صعبه بتتحول والاخر بتجيبو ف الاول

واحنا معاها ورق كتشينه بتفنطنا وتلعب بينا

بتقسمنا وبتقطعنا وتفرقنا وتسحب فينا

وخدانا ف سكه ضلمه دبحانا ب سكينه تلمه

يارب حوش الغمه وريح قلبنا

ايام صعبه وليلها بتزود همنا

ياما شفنه فيها وتعبت قلبنا


اغاني مشابهة

Advertisement