فتحت لك باب القفص

تبي تطير اليوم طير

حبك بقلبي ما نقص

بس ودي انك تستخير

فرصة وفي بعض الفرص

لحظات تحديد المصير

القول قولك.. خذ نفس

وافرد جناحينك وطير

افرد جناحك للسما

ياللي طلع لك ريش

لا يرجعك برد وضما

لا تلتفت لو ايش

اتذكر اسمي كلما

تعصف معاك الريح

صحيح احبك انما

زودت بالتجريح

دور على عش او غصن

وابدا حياتك من جديد

ارتاح من هذا الحزن

ولا تعيد ولا تزيد

جعلك يطيري ما تحن

وكل فراق وانته سعيد

مادام انا قلبي سجن

خليك من قلبي بعيد

عذرك معك الله معك

لا تعتذر معذور

ياللي عنادك ضيعك

على الوجع مشكور

إرتاح جا مثلك وراح

ماهز لي شعره

والمرة هذي اللي طاح

مو مثل كل مرة