متذكر كل شي زي امبارح

حكي الو سنين وقتها كنت ماسح

كثير اشياء بديش افكر فيها ومسامح

خير او شر على الحالتين راميها ومتصالح

مع حالي ومن كانش فارق غيري

رسمت خط سيري كنت انا طيري

لهيك دائما كاشش وقدام الكل كاشف

كم صفحة مكتوب فيهم اشي مبهم بس ناشف

عارف اني خايف شايف اني مخالف

واقف مع حالي دائما لهيك مش متحالف

في كثير صحاب بس اغلبها معارف

كلها سوالف يمكن اكون غلطان والمح تالف

حسيت اني مختلف بس كان صعب الوصف

زي كاني بحرب و سامع فيها صوت قصف

بوم بوم بوم بوم

استنى ما تقوم قاعد بمطر بدون غيوم

الرعد متاخر هاي دخنة غليون

سرحت من مين معي بالغرفة في كثير عيون

في كثير عيوب مش قادر اتنفس فاضية الجيوب

زاد علينا قيود بدون احكام

لانه بنعرفش انام فا حاصله مفيش احلام

كله بتكسر كلها اصنام

شايف ضو غريب بس منيح بتطلع قدام

كثير ابيض صرت ادور على سبع اقزام

طلع معي سبع لفات بدون احرام

كثير حم كاني لاحق الشمس

بتلفت حولي سامع صوت همس

صرت كثير اخبص بس مش بالكبس

اذا مش فاهم علي بحكي على صوت ال `drums

هذول بس crumbs الوجبة على الطريق

مش لحالي انا واخوي مؤسس فريق

بعرف اني عتيق حتى راسي ثقيل

على ايقاع معين عالشمال بميل

مشيت منيح وما تعبت والمشوار طويل

قطعت شجرة عالطريق قالو كيف المنشار ثقيل

انت عارف وين جذوري

اوزان بتشيل انت سامع كيف سطوري

بمشوش مع كثير زي كانهم على كرسي متحرك

لعبة شطرنج كلها فيلة بتخطط

جنود نزلتهم على الساحة على افواه بتخبط

زي كانها دبكة وبنهز الارض هناك بضل مربط