كل الحنين اللي اتسرق

كل الكلام اللي افترق

و اتداري في جيوب السنين

مستني تشرق شمس

و الامس يولد امس

تتسطر النوتات بلحن حزين

عمري اللي فيا اتحسب

فيروز و فناجين بن

عايش في دنيا العجب

و لدنيا صافية بحن

احجار بقشرة دهب

ماسكات ما شبعوش زن

و الاسم بني ادمين

يا كل طيف فيا اتخلق

من فن لونة ع الورق

او حلم خاف دخل النفق

علي دقة باقية تنجي قلبي من الغرق

بقشة الحلم اللي عاش رغم السبق

يواجة العتمة و بشر مجانين

نور الحياة مكتمل

لو حاوطتة العتمة

طول عمره مطر الشمس

يكسر فضا الضلمة

الياس ويا الامل

فيا سوا ساكنين

الفكرة دايما انا

هختار أعّيش مين ؟