و هحكيله عن اليوم اللي فيه شوفته و مكلمتوش
عن الحلم اللي بتمناه و محلمتوش
عن الاشواق
منا نفسي يكون ليا
يعيش بيا
و اكمل كل عمري و بس اعيشه معاه
و هحكيله عن الكوشة و زينه و ورد فيها مفروش عن الدبله و عن اسمه اللي فيها منقوش
عن العيلة ..عن البيت اللي يجمعنا
عن الاولاد تغلبنا...و ازعق ييجي هو بكل حب يحوش
و اكون له اميرة ...بس عشان
خلاص بقا دوبت انا و حبيت
هوصيه الف مرة كمان مايتأخرش برة البيت
و هحكيله عن رقة قلبه و مشاعره وانا مخصماه
يجبلي هدية و ييجيني يصلحني معاه
يضحكني ...يسمعني دلع اسمي
ينسيني قوام زعلي
و احس باني عمري ما عشت قبله حياه
ده ابني و عيلتي و صحابي و كل الناس
بقيت مش شايفه غير صورته في عيني خلاص
بقيت عايشة ..خلاص حاسة اني مش خايفة
لقيت نصي اللي كملني
ملاني بكل معنى الحب و الاحساس
و اكون له اميرة ...بس عشان
خلاص بقا دوبت انا و حبيت
هوصيه الف مرة كمان مايتأخرش برة البيت
