لا تعليق
كل كلام البُعد وسيرته عليكي يليق
قولت فهمتك بس الظاهر فهمي بطيء
عِشت حياة وياكي تخلي الخلق يضيق
لا تعليق
إني أنساكي ده واجب لازم هعمل بيه
قلبي إزاي كان حابب حاجة عشان تأذيه
كنت مداري كلام مايصحش إني أداريه
فعلاً غلطات
بنقرب من غير ما بناخد أي إحتياطات
بنشوف الحلو ونتجاهل كل الأزمات
والآخر مش دايمًا أحلى زي البدايات
بالتأكيد
هنسى ومش هفتكرك تاني هحب جديد
وقت وضاع من عمري معاكي وكان بيزيد
أيوة لحقت سنين كانت هتروح مني أكيد
هفضل أقول
عِشت سنين مش فاهمك ومقضيها فضول
بفتح باب وبلاقي بعده 100 باب مقفول
كل السهل ده كان صعب ومفيش له حلول
