انا كلي ليك لوحدك ودي مش محتاجة شرح
دا يادوب من حضن واحد خفيت من الف جرح
لو حبك يبقى موتي مين قالك عايزة اعيش
اصلا موتي الحقيقي لو يوم ما حضنتنيش
امتة اللي حبوا كانوا يا حبيبي بيعقلوا
ماتخيلتش مكان من غيرك ادخله
سيب اللي يقول يقول شايلاك بعنيا دول
مين داق الحب مرة مش سهل يبطله
احساسي وانتي غايب موجوعة ومش بخف
حمل بيتقل عليا لو شلته معايا يخف
هتفيدني بايه حياتي لو انت متبقاليش
تتمدلي الف ايد غيرك ماينجينيش
