عايدت السيدة الكبيرة فيروز، جميع الأمهات في عيدهن باطلاقها أغنية جديدة بعنوان اللي بدو يصير.

وفاجأت المخرجة اللبنانية ​ريما الرحباني​ بنشرها، عبر حسابها الخاص على موقع التواصل الاجتماعي فايسبوك، أغنية جديدة لوالدتها السيدة ​فيروز​ بمناسبة ​عيد الأم​، وعلقت ريما على الأغنية قائلة:

هالغنّية هيّي من أحب الأغاني ع قلب إمي، من زمان كتير حابّة ينعملّا كلام.
وبما إنّو ما في شي بيصير إلا بوقتو وإذا إجا وقتو.

صار، وكانت من ضمن أغاني (ببالي)، إنّما بسبب تأخّر حقوق النشر، قرّرنا نمشي بالأسطوانة، اللي ما حبّينا نأخّر صدورا، بيدونا، اليوم بعيد الأمّهات حابّة قدّما هديّة لإمّي يطوّل عمرا ويخلّيها فوق راسنا وتاج راسنا.
وتحيّة لبيّي.

وتحيّة لإختي ليال وجدّي وديع وستّي ليزا ومربّيتي جمال، اللي رغم إنّهن فلّوا بكّير وتركونا بعدُن معي بزوايا بالي.
ولإخوتي زياد وهلي كل الحب يطوّل عمرُن ويخلّيلي ياهن.
وتحيّة من القلب لكل الأُمّهات بهالدني، اللي صاروا واللي فلّوا واللي جايين.