قاعد في الضلمه احزاني منوراني
افكار سلبيه م القهر مفرغاني
زملت الوحده وعرفت شخصيتي
المشكله نفسيه اساسها تربيتي
تايه ف الفكر والزمن بيجري
ف اوضتي قاعد دايما بسمع للحيطان
قطعت ودنها وعملتها شخصيات
شخصيات وهميه تأنسني ف وحدتي
يمكن تعوضني حكايات جدتي اللي دايما فكسلها
ماليش ف التسالي دائما لا أبالي ماذا اكون
مركون ف اوضه ضلمه ومستني بؤره نور
تايه جوا حلمي أشد ف سطور
محدش يلومني انا اصلي مكسور
مكسور بنزف سم
الجرعه زايده والعمر بيجري يقل
دايما سايب نفسي لشيطان فيا يذل
مضلمه ليه ما تنوريني ارسميلي احلامي وفكريني
وابعديني عني جرعه بتزيد سطور ما بتنسيني همي
ارسميلي جهنم ارجم فيها نفسي نفسي المضلمه
يوماتي متألمه بتفتكر ف الوجع
ذنبي ان انا تايه بدور علي حالي
مش عجبني وضعي عمري ما كنت مثالي
متفتت واللزق ساح
جاثوم ع قلبي قاعد مش مرتاح
الاوضه مليانه سكوت نفسي بتحكم وانا عليها شهود
مكبوت مليان غل طربيزه مركونه جمبي متسطره بسم
شايف نفسي ف مرايه مجزئه
بدمع ع نفسي وانا دايما أذي حالي
بتلومي مين يا انا كلميني عجوز في العشرين باركيلي
شب طموح ف احلامي دايما بوصل للنجوم
وشغلي شريط حياتي ووريني نفسي
الضلمه ماليه صدري انا شهيد منسي
بالخنقه مكسي وع طول مشبع حالي
تزيد هموم تزيد سموم شيطاني جالي نداني
والواقع فركلي حلمي بضرب فيه دايما بحاول اراوض جني
واعاشر المكان
زومبي جوا نفسي مات اللي كان إنسان
واتبقا حاجات تنعش حس الندم
وتصحصح فيا ف اللي اتبقا من سنيني
ويفيد ب أيه وعلي الطربيزه سطر مستنيني
ارسم باب ع الحيطه يمكن تلاقي أمل
اقتل اوهامك وابقا ع نفسك حكم
وسيب اكتئابك واتحمل زي الجمل
وفض الارتباط وانسي السم
واقتل الاحباط وقيدلك شمعه
لازم تقوم تقف ع رجلك تعوض كل دمعه
مهما عنيت ف حياتك لازم تسيبها لربك
خدها انت خطوه وهو هيصلح امرك
