شفتك قمر طالع وأحمر خدود فاقع
يا أحلى بنات جارى يا فراولة الحتة
عود البنات عالى شقلب لى انا حالى
يرخص ليك الغالى يالى سحرتنى
عود البطل ملفوفو وانا لسه ياما هشوف
جايلك و مش مكسوف ما انتى قتلتيني
واخدانى على الهادى وجمالها مش عادى
لما بتيجى قصادى بموت 200 مرة
ومحبش غير هيا وعايزها تعيش ليا
الحب بالنيه عايزك وانتي حرة
يا شاغلة افكارى حسى بقي بناري
يا أحلى بنات جارى يا فراولة الحتة
عاوزك يا بنبونتى يا صاحبتى وبنتى
علشان اشوفك انتى بعمل مليون خطة
الضحكة دى حكاية سكر في كوباية
وبقولك بهوايا حبك يكفيني
شوفتك قمر طالع واحمر خدود فاقع
الجو لو ساقع حضنك يدفيني
دي ملاك ومش انسان انا حضني ليكي امان
ياحباية رمان جيالي من الفردوس
اجمل ما تشوف العين انتي ومفيش تانيين
مهرك دة لو ملايين انا هوزنك بفلوس
احلي من الحلوين مفيش منك اتنين
خلي قلبك يلين وهنبقي عال العال
من الدنيا انا هاخدك اه من جمال خدك
هو انتي مين قدك يا ماركة في الجمال
جيالي جيالي مبتفارقيش بالي
عايزك ام عيالي وتفضلي معايا
ياعلاج اوقات مرضي في القلب انتي نبضي
اصرف كل قبضي واجيبلك بيه هدايا
الضحكة دي حكاية سكر في كوبايه
وبقولك بهوايا حبك يكفيني
شوفتك قمر طالع واحمر خدود فاقع
الجو لو ساقع حضنك يدفيني
