وبعز الليل نقوم نصلي لرب القلق العظيم
نرقص عتراب شبعان دمي ودم الضحايا
زي موسى النار بالليل حاكتني وقالتلي يا ليث الحزين
نطلع الجبال جهال وننزل حاملين وصايا
أشق البحر وأمشي فوق الصفايح
أنا وناسي لبعيد فيهم رايح
بعيد عن كل طبع عن كل قمع كان من قبل
وإن لم تستطع أن تقتنع ضل بالاصل
كل الي علمونا كيف نتحمل
خافوا منا ولا كيف نتبدل
ضلك اقبل ضلك أفشل
من تنزل لترجع عالمهبل
أو الحق الصوت الغريب
وارمي كلشي وراك
الليل هاد ليلنا ليلنا ليلنا
نغني عتابا وميجنا ميجنا
نفرح بويلنا ويلنا ويلنا
ونضلنا هيك على طول
نطلع بصوتنا و صيتنا صيتنا
خطب حياة من على المئذنة مئذنة
ويحاولوا ييجوا يهدوا حيطنا
ونعيد رحيلنا ونروح
ااااه.. أم الموجات.. أم الموجات قوموا يا أموات
لنرووح بعيييد
