أبويا
ياسندي وضهري وحمايتي
ياشكلي الحلو ف مرايتي
يا اول كلمة صمتها
واول سطر ف حكايتي
مطمن قلبي بوجودك
وبفرد عودي علي عودك
ماهو انت الأخ والعزوة
ولمة بيتنا علي صوتك
تعبت كتير عشان ارتاح
في حرب الدنيا كنت سلاح
وفي العتمه باشوفك نور
وحزني بتقلبه لافراح
اسمك جمبي منورني
معلي ف قيمتي مكبرني
سيرتك آيه مابين الكل
بين الناس بتشرفني
بدعيلك تفضل حواليا
وانا عهد اشيلك ف عينيا
تربيتك وعرفت تربي
والكل بيحلف بيك فيا
نفسي أنجح علشان تطمن
ان ابنك راجل ويطمن
وانا واثق في نجاحي لاني
بدعاك انا بمشي ومتطمن
ابويا ياكلمة غاليه بجد
يارب يباركلي ف عمرك
حنانك صعب اشوفه ف حد
ياحاضن قلبي طول عمرك
