غلاها ياكبر عندي غلاها .. عشقها القلب ولخاطر هواها
تولعت بهواها دون مدري .. وباع الناس قلبي واشتراها
تلاشى البدر من طلعت ضياها .. جمال الكون كله في سناها
بديت اغار من نفسي عليها .. واغار من العيون اللي تراها
الاه العرش بالحسن انتقاها .. يحق لها بطلعتها تتباها
عليها من الدلع نظرات تاسر .. اشوف القلب ما يصبر بلاها
معاها بهجه ايامي معاها .. رضاها غايه النفس ومناها
عساها ترحم بحٍب متيم .. شفا المجروح كله في لقاها
