كيف احساس الوقت عم تلف الدنيا وتدور
خيبتنا مجرد صمت ربينا نمحّي شهور
واسيت حالي بكبت عشت بعزلتي مجبور
كنت واثق اني ماميل من سوادي كرهت النور
ياما قلتو بارد مو حاسس كائن ضعيف
لا تعتبو ماكنتو تعرفو عني غير حروف
ياما كنت ساكت شايف كلشي بعيني سخيف
وماشفتو الا جزئي وانبهرتو كيف بشوف
كل احلامي واقع بزكر بيوما طامح
قابلت كتير وجوه جابت كل الخيبه
حفرت اسمي بذاكرة كل شخص قدامي عرفتو
وانا بخيالي لسا تايه ليش وجوهكن غريبه
ماعم اعرف ارجع طريقي كتير طويل
تعبت من تمثيلي
وضحكي بيكزب اكتر
خايف مني كتير
وقرب وقت الرحيل
ولسا م عرفت اقرا شو انكتبلي بهالدفتر
تخطيت كل المخاوف غامرت برعب وخوف
خليت كل المبادئ حكمّت عقلي يشوف
ضحيت باغلى المكاسب مابدي كون معروف
حافظت على الهدف مارح خليه مكشوف
و هالمرايا بتسال شو الي تغير بعد سنين
و الوصايا بترحل و الوعد يبقى لمين
وهالكتابة بتحضر لما خوفي يبدا يميل
على اوتار الوجع ليش تارك انجازاتي تغيب
ياريتا كانت روحي تفهم قبل م روح
ياريتا كانت تعرف طريقي مو مفتوح
ياريتا كانت تحتفظ بصمتا ما بتبوح
ياريتا كانت تترك هاالفرص لغيرا تروح
ياما سكتت مشانن
بدي احكي مشاني
مو من علي مقامن
ولا انا اللي جاني
عاشو بوهم خطابن
كبح الوجع اذاني
انا خلقت كواكب عقلي ل عيش بسلامي
