لما نعد من بلش بل واحد
هيدا الرقم هو أهين واحد
شكلو مطاول متل الشمعة
والنخله، او صاروخ السرعة
هيدا الرقم واحد
من بعد الواحد في عنا تنين
كل واحد منا عندو إدتين
شكلو مكعوف متل المعدور
والزاوية ،أو حتى العصفور
هيدا الرقم 2
واحد، تنين، بعدن تلاتي
والموسكتار هني تلاتي،
ع راسو مفرخلو قرون،
ومايل يمين منو موزون
هيدا الرقم 3
تلاتي و بعدا عنا أربعة
أد فصول السني يعني... روعة
شكلو كلبجة مش موصول
أو ضهر الجمل بس بالطول،
هيدا الرقم 4
خمسه بيوصل من بعد الرابع.
بكل أيد في خمس أصابع،
شكلو متل القرش المقدوح،
أو متل شي دولاب مشلوح،
هيدا الرقم خمسه
أوك صرنا نعرف: واحد، تنين، تلاتي، أربعة خمسي … خلونا نكمل
بعد الخمسه في السيتي يا زغار
ست أوتار في عندو الغيتار
شكلو متل التنين بالمألوب،
التنين شمال والستي جنوب،
هيدا الرقم سيتي
خمسي، ستي، وسبعة بعدين،
والقوز القزح سبع ألوان
بيشبه الزينة وقت العيد،
و قطعة البيتزا بل أيد،
هيدا الرقم 7
تماني وعم يقرب ل عد العكسي
وتمن كواكب نظامنا الشمسي
بيجي مروس متل القرميد
والظرف تبع البريد
هيدا الرقم 8
بعد ال تماني تسعة يا حلوين
وتسع تشهر نطرة الجنين
شكلو بيجي متل الغليون
أو خيط في براسو بالون
هيدا الرقم تسعة
وأخر شي منوصل للعشرة
ول أصابع كلن عشرة
متل الجرة حد الشجرة
أو شي عصا وحدا حجرة
هيدا الرقم 10
