اسأل على اهلك
و اخواتك امك و ابوك
اسأل على عمك زور خالك
و اللى يحبوك
اياك تنسى للحظه عيالك
حتى ان جالهم يوم نسيوك
ده سؤالك ممكن تسعد بيه
انسان و تغيرله مصيره
يخرج من ضيقته رامى الاحزان
و يشيل سوء ظن فى تفكيره
دى الكلمه اللى هتطلع منك
هتصحى معاها باقى ضميره
وقتك ضيق او مش فاضى
هما دقيقتين
اسأل ع الحاضر و الماضى
لو مر سنين
فى مشاكل بينكم ده العادى
مهو حال الدنيا و ادينا عايشين
ده سؤالك ممكن تسعد بيه
انسان و تغيرله مصيره
يخرج من ضيقته رامى الاحزان
و يشيل سوء ظن فى تفكيره
دى الكلمه اللى هتطلع منك
هتصحى معاها باقى ضميره
