كان نفسه الليالي تعود وبيحلم بالكورفا سود
نفسه يشجع نفسه يبدع صوته يروح ويعدى حدود
كان بيحس الليلة عيد لم أصحابه قريب وبعيد
غنى وشجع احفظ واسمع اي هتاف واي نشيد
طار من الفرحة لقاها ألوف فين نهايتها عينك ما تشوف
اجري وقاتل خليك راجل كان للكورفا يا ناس ملهوف
كان أخر صوت افتح بنموت بيهز سكوت
فجأة الجو اتملى دخان و الخرطوش من كل مكان
افتح بابك لم كلابك ناس بتموت يا ضعيف يا جبان
اصحاب ياما على الاكتاف فين النجدة فين الاسعاف
غدروا بأكتر ناس بتحب تاه العقل وضل وخاف
قاله يا اخويا كفاية عليك نفد الأمر ومش بإيديك
ضمه في حضنه قاله في ودنه
عندي وصية دي عهد عليك
خليني ذكرى تعيش الفكرة للخلود
صبراً أمي أخويا شهيد راح الجنة باذن الله
نيته صافيه في وشة البسمة
بعد ما قتلوا الروح جواه حبس وقتل سجون تعذيب
تحمب ستاد بسلاح ترهيب
اوعاك تنسى احنا الأولتراس دولة قمعك مش هتفيد
جوا عينيا حلو ومر كفني يكون بتشيرت العمر
ما تخيلتش ان في يوم أخر القصة يكون في ممر
فرسانا اسود ما يخافوا الموت و في يوم هنعود
اسمع صوت الشعب الحر ضحى بعمرة وداق المر
عاش الحلم بروحة وكمل لاجل في يوم الراية تمر
حق اخواتنا هيفضل دين عهد علينا ليوم الدين
اخوة دم وطالهم دم قصاصهم جاي أحلف بيمين
