قالولي اوصفها قولت هوصف فيها ايه

ملاك و جيه حياتي اكتر من اللي بحلم بيه

هي حاجة احلى من الحياة، هي الحياة نفسها

انا محبتش حياتي الا لما قابلتها

بـ نظرة منها قادرة تخلي قلبي يطير

نظرة من غيري بتخليني عليها اغير

جاتلي منين و عملت ايه عشان الاقيها

محتاج سنين و سنين و اكون لسه بوصف فـ

عينيها

بحب فيها انها مُختلفة و غير الناس

لما بخُدها فـ حُضني يا سلام على دا احساس

قلبي و عقلي دايماً معاها صدقتها

مليش فـ الدُنيا غيرها ايوة بحبها

صالحت الدُنيا بيها و اتغيرت عشان ارضيها

كان فيا كتير وحش و اتغيرت على ايديها

من يوم ما قابلتك كُل حاجة حلوة بتبتدي

بحبك هتكوني ليا و مش هسيبك تبعدي

‎ ياللي مفيش فالدُنيا دي حاجة تشبهلك الا القمر

اول مرة شوفتك قلبي دق و بقى فـ خطر

عملت ايه حلو فـ حياتي علشان تبقالي

احلى و اجمل من خيالي حاجة نورت ليالي

كُنت فيها لوحدي كُنت فيها تايه

رسمتي فـ وشي الابتسامة و نستيني امبارح

شُكراً على كُل السنين اللي فضلتي فيها جنبي

قوتيني فـ كُل لحظة كُنت فيها ضعيف و ببكي

بنتخانق كتير و بنرجع احسن من الاول

ميهمنيش كلام الناس مع بعض هنكمل

حلم حياتي اخدك و نهرب بعيد

فـ جزيرة انا و انتي بس نعيش احساس جديد

كُل يوم جنبك دا عيد

عُمري ما حسيت اني معاكي بكون وحيد

انا بحبك اد نجوم السما

كُل الناس تسيبك بردو هفضل جنبك انا