يا طبيب الروح انت تدري كلبي انته دكته
على عمري الراح نادم لين مو وياك عشته
اي شوف روحي شكد حنينه وانت يمي تكول وينه
الله لا يحرمني منك يا احن واحد عرفته
يا حبيبي اعيوني ذني لا تغيب بيك ظني
ابقى طول عمرك حبيبي وابد لا تبتعد عني
الدنيا يمك حيل احلى يا بعد هالكلب واهله
ما حجيت لغير واحد ها الكلام الي سمعته
انت تؤمر واني حاظر شلون اسعدك والله حاير
الشعر ما جنت اعرفه من عرفتك صرت شاعر
ما جنت اسمع اغاني هسه صرت انسان ثاني
احمد الله الي جمعنا يا بعد كلبي ونبضته
